Féttaskot tekið af heimasíðu UMFÍ – Flott án fíknar verkefnið vorið 2010
“Verkefnastjóri Flott án fíknar heimsótti
nemendur í 7. bekk Sunnulækjarskóla á vordögum og kynnti verkefnið Flott
án fíknar. Í lok kynningar veitti hún klúbbstjóranum Jóhönnu
Einarsdóttur viðurkenningu frá UMFÍ fyrir vel unnin störf í þágu Flott
án fíknar.
Klúbbstarfið í Sunnulækjarskóla hefur verið einstaklega blómlegt og
hefur spurst út víðar í Árborg. Mikill áhugi er fyrir að efla starfið
enn frekar í sveitarfélaginu og var óskað eftir því að kynna verkefnið
enn frekar. “
Verkefnið Flott án fíknar þróast yfir í stærra verkefni Flott fyrirmynd en stefnt er að því að tengja forvarnarstarfið bæði við grunnskólann og framhaldsskólann
Flott án fíknar klúbburinn verður með breyttu sniði veturinn 2010-2011 þar sem félagsmiðstöðin Zelsiuz leiðir starfið. Anna Þorsteinsdóttir er klúbbstjóri en allir grunnskólar í sveitafélaginu koma að verkefninu. Tenglar verða í hverjum skóla og er Hanna Skúladóttir tengill fyrir Sunnulækjarskóla. Vonandi verða sem flestir nemendur í 8.-10. bekk áfram virkir í klúbbnum sem mun bera heitið "Flott fyrirmynd".
Flott án fíknar er félagsskapur fyrir unglinga sem vilja vera án tóbaks og annarra vímuefna. Klúbbfélögum er gefinn kostur á að skemmta sér saman á heilbrigðan og uppbyggilegan hátt.
Klúbbstjóri/umsjónarmaður klúbbsins var:
Jóhanna Einarsdóttir náms og starfsráðgjafi
Aðrir sem koma að klúbbnum voru: Anna Guðrún Steindórsdóttir
íþróttakennari og
Hanna Skúladóttir umsjónarkennari í 7. bekk.
SAGAN - aðdragandi þess að klúbbur var stofnaður í Sunnulækjarskóla.
-
Guðrún Snorradóttir, landsfulltrúi forvarnarverkefnis UMFÍ “Flott án fíknar” kom á vormánuðum 2008 og kynnti þáverandi 8. bekkingum klúbbastarfið “Flott án fíknar”.
-
Klúbbur - Flott án fíknar var stofnaður í Sunnulæk haustið 2008.
29. október þegar fyrsti klúbbhittingur var haldinn í Fjallasal skólans voru klúbbfélagar í 8. bekk 54. Allir fengu stuttermaboli að gjöf merkta Flott án fíknar. -
Í desember voru klúbbfélagar orðnir 60 en 62 þegar skóla lauk vorið 2009.
-
Hægt er skoða það sem gert var á síðasta skólaári í klúbbnum og fylgst með því sem gert verður á þessu skólaári undir flipanum - Fréttir.
-
Í desember 2008 sömdu tveir nemendur í 8. bekk: Kristín Rut Eysteinsdóttir og Guðfinna Rós Gunnarsdóttir lag og texta um Flott án fíknar klúbbinn:
